Loading...
RADIO 2017-09-28T17:22:00+00:00

TUSAATAAT ulluinnarni aallakaatitassiortoqarluni toqqaannartumik aallakaatitsisarpoq piffissani ukunani:​

Ataasinngorneq – tallimanngorneq nal. 09.00 – 17.00

Arfininngorneq nal. 22.00 – 01.00

Aallakaatitsisarneq nalinginnaasumik aliikkutassianik, oqallinnernik, paasisitsiniaanernik, pisunit aallakaatitassianik, nipilersukkanik allarpassuarnillu imaqartarpoq. Innuttaasullu uani oqariartuuteqarnissaminnut periarfissagissaarput.

Nalinginnaasumik ammasarnerup avataatigut nipilersukkat, pilerisaarutit, silassamik ilimasaarutit, ilanngutassiat tamalaat il.il. aallakaatinneqartarput. TUSAATAAT naalaarsinnaavat ulloq unnuarlu ukiup ullui tamakkerlugit.

Suliffeqarfiit pisortaqarfiillu periarfissaqarput kiffartuussinermik neqeroorutitsinnik pisinissaminnik, soorlu:

– Pilerisaarutit, tapersersuisuunerit, aaqqissuussinerit allallu radiup neqeroorutigisai.

Naalaartartut periarfissaqarput kiffartuussinermik neqeroorutitsinnik pisinissaminnik, soorlu:

– Pilluaqqussutit, nalunaarutit allallu radiup ingerlatsineranut naleqquttunik neqeroorutit.

Peqatigiiffiit assigisaallu TUSAATAAT-nut qinnuteqarnermikkut radiukkut bingo-titsisinnaapput, tamanut ammasumik imaluunniit ilaasortaminnut katersuiniarnerminnut atatillugu.

Nutaarsiassat august 2017

Una upperaarput

Upperaarput illoqarfiup radiumik pisariaqartitaqarnera, illoqarfiup aviisiata tv-atalu saniatigut ilapertuutaasussatut.

Illoqarfiup radiua sorpassuarnut atorneqarsinnaavoq. Inuit tamat oqartussaaqataanerannut tamatigut taama ittumik peqarnissaq pitsaasuuvoq, tassani innuttaasut oqariartuuteqarsinnaanerat periarfissaqarmat.

Aliikkutassianik, oqallinnernik, nutaarsiassanik, pitsaaliuinermut tunngasunik aallakaatitassianik il.il. aallakaatitsisarneq ataatsimut oqaatigalugu inuiaqatigiinnut iluaqutaasarpoq. Innuttaasut ilisimasaqarnerulersarput, aammalu ilaatigut oqartussat politikerillu eqeersimaarnerulersarput, taamaalilluni innuttaasut kiffartuunneqarnerat pitsaanerulersinnaalluni il.il.

Suliffeqarfiit eqqarsaatigalugit illoqarfigisami radiu suleqatigissallugu pitsaasuuvoq piukkunnarlunilu. Asuliinnarmi oqaatigineqarneq ajorpoq radiu “nunarsuarmi takorluuisitsisinnaanerpaatut”, taamaammat pilerisaaruteqartitsivissatut, paasisitsiniaavissatut, nalunaaruteqartitsivissatut il.il. piukkuannarluarpoq.

Aningaasalersornera

TUSAATAAT naalaassallugu akeqanngilaq, tusagassiuutinullu allanut sanilliulluta, soorlu illoqarfiup aviisianut tv-anullu oqartussanit ingerlatsinikkut aningaasanik tapiiffigineqarneq ajorpugut.

TUSAATAAT 100 %-mik oqartussanit tapiiffigineqarani ingerlasuuvoq, namminerlu ingerlatsinermut aningaasartuutit matussutissarsiortussaallugit. Taamaammat uagutsinnut pingaaruteqartorujussuuvoq suliffeqarfiit suleqatigilluarnissaat, taakkuami kiffartuussinermik neqeroorutitsinnik pisisinnaapput. Pilerisaarutit piffissani aaliangersimakannersuni atorneqartarput, taamaattumik tapersersuinerit (sponsoratit) pisariaqarput, taakkuami aalaakkaanerusumik isertitsiffiusinnaammata. Taakkunanngalu atuisut pilerisaarutinik saniatigut pisissappata annikinngitsumik sipaarutissaqarput.

Innuttaasut aamma periarfissaqarput kiffartuussinermik neqeroorutitsinnik atuissallutik, soorlu pilluaqqussutit, nalunaarutit, qarasaasiakkut ilusilersuisitsinerit il.il. Peqatigiiffiit assigisaallu radiukkut bingo-titsisinnaapput qinnuteqarnermikkut.