Warning: "continue" targeting switch is equivalent to "break". Did you mean to use "continue 2"? in /var/www/tusaataat.gl/public_html/gl/wp-content/plugins/revslider/includes/operations.class.php on line 2734
OM OS – Tusaataat-gl
+299 86 48 00|radio@tusaataat.gl
Loading...
OM OS 2017-09-28T16:59:59+00:00

TUSAATAAT pillugu

Illoqarfigisami radiu TUSAATAAT Sisimiuni aallakaatitsilluni 93,0 MHz-ikkut aallartippoq 10. august 2017. Siusinnerusukkut Sisimiut  Tusaataat-ni sulisuusimasut isumaqatigiissutigisimavaat illoqarfik radioqarnissaminik pisariaqartitsisoq. Piffissamilu sivisuumi piareersarfioreersumi illoqarfik radiutaaqqippoq, ukioq ataasingajak radioqarsimanani.

TUSAATAAT-a aallakaatitsisarnera annertunerusumik aliikkusersuineruvoq, pisunik malinnaatitsinermik, oqallinnernik, paasisitsiniaanernik, nipilersukkanik aallaavilinnik aallakaatitassianik akoorlugit, soorunalumi nipilersukkanik nuannersunik allarpassuarnillu.

Una upperaarput

Upperaarput illoqarfiup radiumik pisariaqartitaqarnera, illoqarfiup aviisiata tv-atalu saniatigut ilapertuutaasussatut.

Illoqarfiup radiua sorpassuarnut atorneqarsinnaavoq. Inuit tamat oqartussaaqataanerannut tamatigut taama ittumik peqarnissaq pitsaasuuvoq, tassani innuttaasut oqariartuuteqarsinnaanerat periarfissaqarmat.

Aliikkutassianik, oqallinnernik, nutaarsiassanik, pitsaaliuinermut tunngasunik aallakaatitassianik il.il. aallakaatitsisarneq ataatsimut oqaatigalugu inuiaqatigiinnut iluaqutaasarpoq. Innuttaasut ilisimasaqarnerulersarput, aammalu ilaatigut oqartussat politikerillu eqeersimaarnerulersarput, taamaalilluni innuttaasut kiffartuunneqarnerat pitsaanerulersinnaalluni il.il.

Suliffeqarfiit eqqarsaatigalugit illoqarfigisami radiu suleqatigissallugu pitsaasuuvoq piukkunnarlunilu. Asuliinnarmi oqaatigineqarneq ajorpoq radiu “nunarsuarmi takorluuisitsisinnaanerpaatut”, taamaammat pilerisaaruteqartitsivissatut, paasisitsiniaavissatut, nalunaaruteqartitsivissatut il.il. piukkuannarluarpoq.

Sulisut

JENS KLAUS LENNERT
JENS KLAUS LENNERTRadiup pisortaa/piginnittoq
Radiulerinerup iluani ukiut 25-it sinnerlugit misilittagaqareersimavoq. Siusinnerusukkut Sisimiut Tusaataat aamma Nuuk FM-imi pisortatut sulisimavoq. Ulluinnarni akisussaasutut ingerlatsineq, neqeroorutitsinnik tuniniaaneq, nittarsaassineq aallakaatitassiornerillu isumagisarai.
Emailikkut attavigiuk
KARL OLSEN
KARL OLSENAallakaatitassiortoq/tekniki
Radiulerinerup iluani ukiut 20-it sinnerlugit misilittagaqareersimavoq. Siusinnerusukkut Sisimiut Tusaataat aamma Nuuk FM-imi aallakaatitassiortutut teknikeritullu sulisimavoq. Aallakaatitassiorneq, pilerisaarusiorneq teknikkimillu aqutsineq isumagisarai. Aaqqissuussinermut aamma Kaali pikkorilluinnartuuvoq
Emailikkut attavigiuk
HANS KRISTIAN PETRUSSEN
HANS KRISTIAN PETRUSSENFreelanceri
Siusinnerusukkut Sisimiut Tusaataat-ni ukiut 4-it sinnerlugit aallakaatitassiortutut sulisimavoq. Freelanceritut aallakaatitassiortarpoq. Aamma toqqaannartumik aallakaatitsinerniit misilittagaqarluarpoq. Hans Kristian aamma aaqqissussinernut pilersaarusioqataanernut misilittagaqarpoq.
Emailikkut attavigiuk

Nipilersorneq

Oqariartuutit

Suleqatigiinneq

Attaveqaqatigiitta

TUSAATAAT-a illoqarfik attaveqaqatigiilersippaa, ilaatigut innuttaasut illoqarfitsinni Sisimiuni susoqarneranik assigiinngitsorpassuarnik malinnaatissinnaanngorlugit. Kiffartuuttakkatsinnut, suleqatinut naalaartartutsinnullu periarfissagissaarpoq TUSAATAAT nittartagatsigut, Facebookikkut soorunalumi 93,0 MHz-ikkut malinnaaffigissallugu.

© Copyright Tusaataat -    |   All Rights Reserved   
Facebook