TUSAATAAT naalaaruk Sisimiuni 93,0 MHz-ikkut…. Ulloq unnuarlu!
Neqeroorutitta ilaat
Asuliinnarmi oqaatigineqarneq ajorpoq radiu “nunarsuarmi takorluuisitsisinnaanerpaatut”, taamaammat neqeroorutigisanik pilerisaaruteqartitsivissatut nunarsuatsinni suliffeqarfinniit assigiinngitsunit iluarineqartupilussuuvoq. Radiu angallakkuminartupilussuuvoq, angerlarsimaffimmi, suliffimmi, pisiniarfimmi, angallammi, nunami, biilini il.il. SUMILUUNNIIT naalaartartut tusaasinnaavaatigut!
TUSAATAAT-ni periarfissaqarpusi pilerisaarutinik (radiospots) ingerlataqarnissassinnik akunnerit affaasa tamaasa, ulloq unnuarlu kaajallallugu. Assersuutigalugu aviisimi annonce-t ataasiaannarlugit takuneqakkajuttunut sanilliullugit naalaartartut neqeroorutinik ullup ingerlanerani eqqaasinneqaqattaartarput…taamaammat uani qupperaalluni qaangiinnaasoqarsinnaanngilaq.
TUSAATAAT tapersersuisuuffigisinnaasanik arlariinnik neqerooruteqarpoq, suliffeqarfittut nittarsaannissassinnut periarfissagissaartitsisumik. Qaammatip ataatsip ingerlanerani isigineqarnissinnut/ilisimaneqarnissinnut iluaqutaasumik 744-it angullugit nittarsaanneqarsinnaavusi. Taamaasillusi qulanarnanngitsumik naalaartartuniit puiguikkiunneqassaasi.
Tapersersuisuunissamut periarfissat amerlapput, soorlu silassamik ilimasaarutip akunnerit tamaasa ulloq unnuarlu ingerlasup tapersersuisuuffiginera, toqqaannartumik aallakaatitsinerit tapersersuisuuffiginerat, radiumut tapersersuisuuneq arlalinneq iluaqutissartalik il.il.
TUSAATAAT neqerooruterpassuaqarpoq suliffeqarfiit innuttaasullu iluaqutigisinnaasaannik. Soorlu neqeroorutigineqarput nalunaarutit peqatigiiffinnut inunnullu ataasiakkaanut ataatsimiitsitsinissanut assigisaannullu, pilluaqqussutit ilaquttanut suleqatinullu, qarasaasiakkut ilusilersuinerit suliffeqarfinnut inunnullu ataasiakkaanut.
Radio-bingo peqatigiiffinnut assigisaannullu, illoqarfimmiit toqqaannartumik aallakaatitsinerit, aaqqissuussinernik pilersaarusiornerit ingerlatsinerillu, nipiliuutinik attartortitsineq allarpassuillu. Suliffeqarfissi nipilersukkanik appisimaartitsinissamik oqaluttulerlugu toqqaannartumik aallakaatitsinertalerlugu aallakaatitsinertalernaguluunniit, aamma tamanna naammassisinnaavarput. Aammattaaq katererisimaartitsinermi nipilersukkanik tusarnaartitsinermik qittatsitsisussamik neqerooruteqarpugut, dj-i ukiorpassuarni misilittagaqarluartoq Thailandimi discotekit annersaa ilaanniit. Dj-ip atortorissaarutai nassarneqassapput ilanngullugit højttalerit pitsassuit 2 x 2000 watt-it.