Radio-bingo
Peqatigiiffiit assigisaallu TUSAATAAT-nut qinnuteqarsinnaapput radiukkut bingo-titsinissamik ilaasortaminnut imaluunniit tamanut ammasumik katersuiniarnissamik. TUSAATAAT ataatsimoortumik neqeroorsinnaavoq, tassani ilaallutik bingokoortit piareersarneri, atortussat pisariallit piareersarneri, nittarsaassineq, tuniniaanermi atortunik atukkiineq, teknikkikkut ikiorsiineq allarpassuillu. Tamanna ilissinnut katersuiniarniartunut oqilisaaterujussuuvoq, taamaasillusi piffissarsi allamut atorsinnaavarsi.
TUSAATAAT radio-bingo pillugu sunik tamanik aamma siunnersuisinnaavoq, taamatullu pisortaqarfinnut tamanut ammasumik katersuiniarnissamik qinnuteqaasiornermi ikiuussinnaalluni….oqinnerusinnaanngilaq!!!
Sooq radio-bingo?
Aaqqissuutissallugu pisariippoq. Ininik avatangiisinik annerusumik pisariaqartitsinngilaq. Bingomi peqataasut angerlarsimaffimminni eqqissillutik ilorrisimaarlutillu peqataasinnaapput. Aaammalu nalinginnaasumik radiukkut bingo-mi peqataasut amerlanerungaatsiartarput, tamannalu aamma isumaqarpoq kaaviaartitaqarnerunermik, sinneqartooruteqarnissamik periarfissaqarnerulluni.
TUSAATAAT-a piareersarnerup annersaa suliarereertarmagu, soorlu pilerisaarineq, atortunik ilisimasanillu neqeroortarlutik, tamaalilluni radiukkut bingotitsiniartunut oqinneerarsuanngortarpoq.
Kikkut radio-bingo-titsisinnaappat?
Tamarmik periarfissinneqarsinnaapput, soorlu peqatigiiffiit, atuaqatigiikkuutaat, piumassutsimik suliniaqatigiiffiit, partiit il.il. Qinnuteqaat TUSAATAAT-nut tunniunneqassaaq, tassani katersuiniarnissamut siunertaq nassuiaatigineqassalluni.
Toqqarneqarsinnaavoq radio-bingo ilaasortanuussasoq, tassani periarfissagissaarluni ilaasortaqarnerulernissaq. Tamaasilluni aamma tamanut ammasumik pisortanut qinnuteqartariaqanngilaq. Tamanut ammasumik katersuiniarusunnerugaanni, kikkulluunniit peqataaffigisinnaasaanni ilaasortaanngikkaluarluni, taava TUSAATAAT pisortanut qinnuteqarnermi ikiuussinnaavoq. Tamanut ammasumik katersuiniarneq aamma isertitsiffiunerusarpoq, ingammik normunik eqquiniaasitsinermik ilallugu.